रविमाथि प्रतिशोध साधिएको हो : स्वर्णिम वाग्ले

Listen News

0:00

0:30

🔊

News Summary

Generated by OK AI. Editorially reviewed.

राष्ट्रिय स्वतन्त्र पार्टीका उपाध्यक्ष डा. स्वर्णिम वाग्लेले पुराना राजनीतिक दलहरूले गरेका गलत क्रियाकलापलाई ललकारेकै कारण रविमाथि प्रतिशोध साधिएको बताएका छन्।
वाग्लेले भने, “रास्वपा सभापतिले गरेको साहस आम युवाका लागि अनुकरणीय छ।”
रास्वपाले प्रवासमा रहेका युवाहरूको पुँजी र दक्षतालाई स्वदेशमा उपयोग गर्ने योजना अगाडि बढाउने प्रतिबद्धता व्यक्त गरेको छ।

४ पुस, गलकोट (बागलुङ) । राष्ट्रिय स्वतन्त्र पार्टी (रास्वपा)का उपाध्यक्ष डा. स्वर्णिम वाग्लेले पुराना राजनीतिक दलहरूले गरेका गलत क्रियाकलापलाई ललकारेकै कारण रविमाथि प्रतिशोध साधिएको बताएका छन् ।

शुक्रबार आयोजित कार्यक्रममा वाग्लेले पुराना पात्र र प्रवृतिका विरुद्ध बोलेका कारण पुराना दलहरूले रविमाथि प्रतिशोध साधेको प्रमाणित हुँदै गएको बताएका हुन् । उनले भने, “रास्वपा सभापतिले गरेको साहस आम युवाका लागि अनुकरणीय छ ।”

युवा शक्तिलाई उत्पादनमा जोड्नुपर्नेमा विदेशिन बाध्य पारिएको उनको भनाइ छ । रास्वपाले प्रवासमा रहेका युवाहरूसँग भएको पुँजी र दक्षतालाई स्वदेशमा उपयोग गर्ने गरी योजना अगाडि बढाउने प्रतिबद्धता पनि व्यक्त गरे । रासस