राष्ट्रिय सभा निर्वाचनको उम्मेदवार टुंगो लगाउन कांग्रेस कार्यसम्पादन बस्दै

News Summary

Generated by OK AI. Editorially reviewed.

नेपाली कांग्रेसको केन्द्रीय कार्यसम्पादन समितिको बैठक २२ पुस, काठमाडौंमा सुरु भएको छ।
बैठकमा माघ ११ गते हुने राष्ट्रिय सभा निर्वाचनका उम्मेदवारको विषयमा छलफल हुने नेताहरूले बताएका छन्।
एमालेले कांग्रेससँग ७ सिट माग गरी चुनावी तालमेल गर्ने निर्णय गरेको छ र कांग्रेसले त्यसको ब्रिफिङ गर्नेछ।

२२ पुस, काठमाडौं । नेपाली कांग्रेसको केन्द्रीय कार्यसम्पादन समितिको बैठक केहीबेरमा बस्दै छ । आजको बैठकमा माघ ११ गते हुने राष्ट्रिय सभा निर्वाचनका उम्मेदवारको विषयमा छलफल हुने नेताहरूले बताएका छन् ।

राष्ट्रिय सभा निर्वाचनका लागि भोलि उम्मेदवारी मनोनयन हुँदैछ । त्यसअघि नेताहरू छलफलमा जुटेका हुन् ।

१८ सिटका लागि हुने राष्ट्रिय सभा निर्वाचनमा ठूला दल नेपाली कांग्रेस-नेकपा एमालेबीच तालमेलको तयारी गरिएको छ ।

आज बसेको एमालेको सचिवालय बैठकले उम्मेदवार छनोटको जिम्मा अध्यक्ष केपी ओलीलाई दिने र नेपाली कांग्रेससँग तालमेल गर्ने निर्णय गरेको थियो । एमालेले कांग्रेससँग ७ वटा सिट माग गरेर जाने पनि निर्णय गरेको छ ।

त्यस्तै कांग्रेसका कार्यवाहक सभापति पूर्णबहादुर खड्का र केन्द्रीय सदस्य रमेश लेखकले एमालेको शीर्ष नेतृत्वसँग चुनावी तालमेलको विषयमा छलफल गरिरहेका छन् ।

आजको बैठकमा खड्काले एमालेसँगको छलफलको ब्रिफिङ गर्नेछन् । आजको बैठकअघि पार्टी कार्यालयअगाडि नेताहरूलाई बाटो छेक्दै केही कार्यकर्ताले विरोध जनाएका थिए ।

सबै तस्बिर- चन्द्र आले/अनलाइनखबर