मध्यपूर्व तनाव : भिटेनको कुवेत कन्सर्ट रोकियो

Listen News

0:00

0:30

🔊

News Summary

Generated by OK AI. Editorially reviewed.

पश्चिम एसियामा जारी युद्धको कारण नेपाली कलाकार र ब्यान्डले आफ्नो सांगीतिक टूर रोक्न थालेका छन्।
कुमा सागर एन्ड द ख्वपः ब्यान्डले टेक्सासको डालसमा हुने कन्सर्ट विमानस्थल बन्दका कारण स्थगित गरेको छ।
हिपहप गायक भिटेनले कुवेतमा २० मार्चमा हुने कन्सर्ट पश्चिम एसियाको तनावका कारण स्थगित गरेको सामाजिक सञ्जालमार्फत बताएको छ।

काठमाडौं । पश्चिम एसियामा जारी युद्धको असर नेपाली कलाकारको सांगीतिक कार्यक्रममा पनि देखिन थालेको छ । ब्यान्ड र कलाकारले एकपछि अर्को गरि टूर रोक्न थालेका छन् ।

गतसाता ‘कुमा सागर एन्ड द ख्वपः’ ब्यान्डले अमेरिका टूर स्थगित गरेको थियो । मध्यपूर्व संकटले विमानस्थल बन्द भएको परिस्थितीले टेक्सासको डालसमा हुने कन्सर्ट रोकिएको उसले जनाएको थियो ।

चर्चित हिपहप गायक भिटेनले पनि पश्चिम एसियाको तनावको कारण कुवेतमा निर्धारित कन्सर्ट नै स्थगित गरेका छन् । २० मार्चमा कुवेतमा कार्यक्रम तय थियो ।

अर्को सूचना नआएसम्म कन्सर्टको मिति घोषणा नहुने भिटेनले सामाजिक सञ्जालमार्फत गराएका छन् । आयोजक नेपाल कुवेत सरोकार समाजले पनि विज्ञप्तिमार्फत टूर रोकिएको जनाएको छ ।

कन्सर्ट रोकिएपछि दुबै पक्षले दर्शकसँग माफी मागेका छन् । दुई सातादेखि अमेरिका-इजरायल र इरानबीच खाडी क्षेत्रमा युद्ध चलिरहेको छ ।