डढेलोबाट जुम्लामा ३३० हेक्टर वन क्षति

फाइल तस्वीर

News Summary

Generated by OK AI. Editorially reviewed.

जुम्लामा गत आर्थिक वर्षभरि ३३० दशमलव २८ हेक्टर वन डढेलोबाट क्षति भएको छ।
चालु आर्थिक वर्षको आठ महिनामा आठ स्थानीय तहका ६ स्थानमा करिब १०० हेक्टर वन डढेलोबाट क्षति भएको छ।
डिभिजन वन कार्यालयले चैत १ देखि ७ गतेसम्म वन डढेलो नियन्त्रणका लागि साप्ताहिक कार्यक्रम गर्ने जानकारी दिएको छ।

२ चैत, जुम्ला । जुम्लामा गत आर्थिक वर्षभरि ३३०.२८ हेक्टरमा डढेलोबाट वन क्षति भएको छ ।

डिभिजन वन कार्यालयका प्रमुख भरत बुढ्थापाका अनुसार उक्त वर्षमा २९ स्थानमा वन डढेलो लागेको र अनुमानित वन क्षेत्र करिब ३३० दशमलव २८ हेक्टर वन जङ्गल डढेलोबाट क्षति भएको बताए ।

चालु आर्थिक वर्षको ८ महिनासम्म यहाँका आठवटै स्थानीय तहका विभिन्न ६ वटा स्थानमा डढेलो लागेको छ । अनुमानित १०० हेक्टर क्षेत्रमा डढेलोबाट वन क्षति भएको छ डिभिजन वन कार्यालय जुम्लाका प्रमुख बुढ्थापाको भनाइ छ ।

कार्यालयको आयोजनामा भएको वन सुरक्षा समन्वय समिति तथा सरोकारवाला निकायसँग अन्तरक्रिया कार्यक्रम बोल्दै कार्यालय प्रमुख बुढ्थापाले वन डढेलो नियन्त्रणमा प्रभाकारिता, तीनै तहका सरकार र समुदायको सहभागिता भन्ने मूल नारासहित जुम्लामा वन डढेलो नियन्त्रणसम्बन्धी साप्ताहिक कार्यक्रम यही चैत १ देिख ७ गतेसम्म विभिन्न कार्यक्रम गरिने डिभिजन वन कार्यालय जुम्लाका प्रमुख बढ्थापाले जानकारी दिए ।

बर्सेनि गर्मीयाममा हुने डढेलोले वन क्षेत्रमा क्षति पुर्‍याउँदै आएको छ । दमकल नपुग्ने विकट क्षेत्रमा लागेको आगो नियन्त्रण गर्न भने समस्या देखिने गरेको छ । वन संरक्षणमा सामुदायको महत्वपूर्ण भूमिका रहने सहायक प्रमुख जिल्ला अधिकारी मीनबहादुर रावलले जानकारी दिए ।