भारतमा इच्छामृत्युको अनुमति पाएका हरिशको मृत्यु, १३ वर्षदेखि कोमामा थिए

News Summary

Generated by OK AI. Editorially reviewed.

भारतमा निष्क्रिय इच्छामृत्युका लागि अनुमति पाउने पहिलो व्यक्ति हरिश राणाको दिल्लीको एम्समा निधन भएको छ।
सर्वोच्च अदालतले ११ मार्चमा हरिशलाई निष्क्रिय इच्छामृत्युको अनुमति दिएको थियो।
हरिश सन् २०१३ देखि कोमामा थिए र मार्च १४ मा उनलाई एम्सको प्यालिएटिभ केयर युनिटमा सारिएको थियो।

काठमाडौं । भारतमा निष्क्रिय इच्छामृत्युका लागि अनुमति पाउने पहिलो व्यक्ति हरिश राणाको मंगलबार दिल्लीको एम्समा निधन भएको छ ।

११ मार्चमा भारतको सर्वोच्च अदालतले फैसला सुनाउँदै हरिशलाई निष्क्रिय इच्छामृत्युको अनुमति दिएको थियो ।

पीटीआईका अनुसार ३१ वर्षीय हरिश सन् २०१३ देखि कोमामा थिए । उनलाई मार्च १४ मा गाजियाबादस्थित उनको घरबाट एम्सको डा. बीआर अम्बेडकर इन्स्टिच्युट रोटरी क्यान्सर अस्पतालको प्यालिएटिभ केयर युनिटमा सारिएको थियो ।

हरिश पञ्जाब विश्वविद्यालयमा बिटेकका विद्यार्थी थिए । सन् २०१३ मा उनी चौथो तल्लाको बाल्कोनीबाट खसेका थिए । जसका कारण उनको टाउकोमा गम्भीर चोट लागेको थियो ।

सोही समयदेखि उनी कोमामा थिए । उनलाई कृत्रिम पोषण र बेलाबेलामा अक्सिजन सपोर्ट दिएर राखिएको थियो ।

हरिश राणाका बुबाका अनुसार भारतमा पहिलो पटक सर्वोच्च अदालतले उनलाई ‘स्वेच्छिक मृत्यु’ को अनुमति दिएको थियो ।