२०८३ जेठ १३ गते १२:०७ 
News Summary
Generated by OK AI. Editorially reviewed.- काठमाडौंको नयाँबजारमा जेठ २९ गतेदेखि खुला यु–१६ इन्टर स्कुल फुटबल प्रतियोगिता आयोजना हुने भएको छ ।
- हाम्रो एकता खेलकुद क्लबको आयोजनामा हुने प्रतियोगिताको विजेताले ८५ हजार ५५५ र उपविजेताले ३५ हजार ५५५ रुपैयाँ पुरस्कार प्राप्त गर्नेछन् ।
- खेलमा सहभागी हुन इच्छुक विद्यालयले आगामी जेठ २७ गतेसम्म टिम दर्ता गराउन सक्ने आयोजकले जनाएको छ ।
१३ जेठ, काठमाडौं । काठमाडौंमा खुला यु–१६ इन्टर स्कुल फुटबल प्रतियोगिता हुने भएको छ ।
हाम्रो एकता खेलकुद क्लबको आयोजनामा जेठ २९ गतेदेखि काठमाडौं महानगरपालिका–१६, नयाँबजारस्थित रिभरफिल्ड फुटसलमा उक्त प्रतियोगिता हुन लागेको हो ।
असार १ गतेसम्म चल्ने प्रतियोगिताको विजेताले ८५ हजार ५५५ र उपविजेताले ३५ हजार ५५५ रुपैयाँसहित ट्रफी, मेडल र प्रमाणपत्र पाउने आयोजक क्लबका अध्यक्ष मदन ढकालले जानकारी दिए ।
प्रतियोगिताको उत्कृष्ट गोलकिपर र उत्कृष्ट खेलाडीले ट्रफी र प्रमाणपत्र पाउनेछन् । टिम दर्ताका लागि ८ हजार ५ सय कायम गरिएको छ ।
जेठ २७ गतेसम्म टिम दर्ता गर्न सकिने आयोजकले जनाएको छ ।
प्रतिक्रिया 4