News Summary
Generated by OK AI. Editorially reviewed.- काठमाडौं जिल्ला अदालतको आदेशमा पाँच लाख धरौटी बुझाएर छुटेका आपराधिक पृष्ठभूमिका अभिषेक गिरीलाई मोरङ प्रहरीले पुनः पक्राउ गरेको छ ।
- मोरङ प्रहरी प्रमुख एसपी कवित कटवालले आपराधिक लाभको आरोपमा अनुसन्धान अघि बढाउन उनलाई पक्राउ गरिएको जानकारी दिए।
२१ साउन, विराटनगर । आपराधिक पृष्ठभूमिका अभिषेक गिरी पक्राउ परेका छन् । काठमाडौं जिल्ला अदालतले ५ लाख धरौटीमा छाड्ने आदेश दिएपछि उनी धरौटी रकम बुझाएर बिहीबार छुटेका थिए । लगत्तै मोरङ प्रहरीले उनलाई पक्राउ गरेको हो ।
आपराधिक लाभको आरोपमा काठमाडौंमा पक्राउ गरेर विराटनगर ल्याइएको मोरङ प्रहरी प्रमुख एसपी कवित कटवालले बताए । उनका अनुसार माेरङमा अपराधिक लाभको कसुरमा अनुसन्धान अघि बढ्नेछ ।
विराटनगर महानगरपालिका–८ मधुमाराका ४८ वर्षीय गिरीविरुद्ध निर्माण व्यवसायी सुभाष श्रेष्ठले रकम असुल गरेको भनेर किटानी जाहेरी दिएका थिए ।
ठगी तथा आपराधिक विश्वासघात गरेको कसुरमा नेपाल प्रहरीको केन्द्रीय अनुसन्धान ब्यूरो (सीआईबी)ले गिरीलाई गत असार २३ गते विराटनगरबाट पक्राउ गरेको थियो । त्यसअघि उनी मोरङ कारागारका कैदीबन्दीको भत्ता दुरुपयोग आरोपमा असार १३ गते पक्राउ गरेको थियो । जिल्ला अदालतले हाजिरीजमानीमा छाड्न आदेश दिएपछि असार २३ गते सिआइबीले पक्राउ गरेको थियो ।
सीआईबीले गिरीविरुद्ध २१ करोड ३२ लाख ७६ हजार ५ रुपैयाँ ठगी गरेको निष्कर्ष निकालेको थियो । सीआईबीकै रायका आधारमा जिल्ला सरकारी वकिल कार्यालय काठमाडौंले गिरीविरुद्ध साउन १४ गते काठमाडौं जिल्ला अदालतमा मुद्दा दर्ता गराएको थियो ।
सोही मुद्दामा काठमाडौं जिल्ला अदालतका न्यायाधीश नवराज दुलालको इजलासले गिरीलाई पाँच लाख रुपैया धरौटीमा छाड्न आदेश दिएको थियो । धरौटी बुझाएर छुटेपछि उनी पक्राउ परेका हुन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4