धनगढीमा लागुऔषधसहित २ युवक पक्राउ

१९ चैत, धनगढी । धनगढीमा लागुऔषधसहित प्रहरीले दुई जनालाई पक्राउ गरेको छ ।

धनगढी उपमहानगरपालिका-२ त्रिनगरबाट  ८ सय मिलिग्राम लागुऔषध खैरो हेरोइनसहित दुई युवकलाई  पक्राउ गरिएको जिल्ला प्रहरी कार्यालयले जनाएको छ ।

पक्राउ पर्नेमा गोदावरी नगरपालिका–१० का २२ वर्षीय अजबिन चौधरी र १९ वर्षीय सगुन चौधरी रहेका छन् । उनीहरुलाई नियन्त्रणमा राखेर थप अनुसन्धान गरिरहेको प्रहरीले जनाएको छ ।