संसद् अवरोध : माओवादीपछि एमालेसँग छलफलमा कांग्रेस

News Summary

Generated by OK AI. Editorially reviewed.

कांग्रेसले एमालेसँग मध्यमार्गी प्रस्तावमा छलफल सुरु गरेको छ।
भिजिट भिसा प्रकरणको अनुसन्धानपछि समितिले अध्ययन गर्ने प्रस्ताव अघि सारिएको छ।
प्रतिनिधि सभाको बैठक जेठ १३ गतेदेखि सौहार्दपूर्ण हुन नसकेको स्थिति छ।

२५ जेठ, काठमाडौं । प्रमुख प्रतिपक्षी दल माओवादी केन्द्रसँगको छलफलपछि कांग्रेस नेताहरू एमालेसँगको छलफलमा पुगेका छन् ।

प्रतिनिधि सभाको अवरोध खुलाउने विषयमा निरन्तर माओवादीसँग छलफल गरेका कांग्रेस उपसभापति पूर्णबहादुर खड्काले मध्यमार्गी प्रस्तावबारे एमालेसँग छलफल सुरु गरेका हुन् ।

भिजिट भिसा प्रकरणले प्रवेश पाएसँगै प्रतिनिधि सभाको बैठक यही जेठ १३ गते देखि सौहार्द बन्न सकिरहेको छैन । आइतबारसम्म आइपुग्दा माओवादी र रास्वपा कांग्रेसको प्रस्ताव अनुसार मध्यमार्गी प्रस्तावमा अगाडि बढ्न लचक भएपछि कांग्रेस नेताहरू एमालेसँगको छलफलमा जुटेका हुन् ।

कांग्रेसका तर्फबाट उपसभापति पूर्णबहादुर खड्काले एमालेका नेताहरूसँग संवाद गरिरहेका छन् ।

अख्तियार दुरुपयोग अनुसन्धान आयोगले अनुसन्धान सकाएपछि भिजिट भिसा प्रकरणको समग्रतामा अध्ययन गर्ने गरी छानबिन समिति बनाउने विषय कांग्रेसले अगाडि सारेको हो ।

त्यस्तो समितिले २०६४ साल यता भिजिट भिसाको नाममा विदेश जानेसँग अपारदर्शी रुपमा आर्थिक लेनदेन भए/नभएको हेर्ने गरी कार्यक्षेत्र तोक्ने गरी मध्यमार्गी प्रस्ताव अगाडि बढेको हो ।