२०८२ असार १९ गते ७:२० 
News Summary
Generated by OK AI. Editorially reviewed.- नेपालले एसीसी यू-१६ इस्ट जोन कपको सेमिफाइनलमा मलेसियालाई टस जितेर फिल्डिङको निर्णय गरेको छ।
- सेमिफाइनल खेल बिहान पौने ८ बजेदेखि सेलांगर टर्फ क्लबमा सुरु हुनेछ।
- नेपालले समूह चरणमा भुटानलाई २९८ रनले पराजित गरी समूहविजेता बनेको थियो।
१९ असार, काठमाडौं । नेपालले एसीसी यू-१६ इस्ट जोन कपको सेमिफाइनल खेल अन्तर्गत मलेसियाविरुद्ध टस जितेको छ ।
नेपालका कप्तान बिपिन प्रसाद शर्माले टस जितेर फिल्डिङको निर्णय गर्दै मलेसियालाई पहिले ब्याटिङको निम्तो दिएका छन् ।
सेमिफाइनल खेल विहान पौने ८ बजेदेखि सेलांगर टर्फ क्लबमा सुरु हुनेछ ।
प्रतियोगिताको समूह ए मा रहेको नेपाल समूहविजेता हुँदै सेमिफाइनल खेल्दै छ । मलेसिया भने समूह बी को उपविजेता हो ।
नेपालले मंगलबार भएको समूह चरणको अन्तिम खेलमा नेपालले भुटानलाई २९८ रनको फराकिलो अन्तरले हराउँदै समूहविजेता बनेको थियो ।
त्यसअघि नेपालले सिंगापुर, जापान र इन्डोनेसियालाई हराएको थियो ।
उता मलेसिया भने समूह बी मा हङकङसँग मात्र पराजित हुँदा माल्दिभ्स, थाइल्याण्ड र म्यानमारलाई हराएको थियो ।
आजै हुने अर्को सेमिफाइनलमा हङकङले सिंगापुरसँग खेल्नेछ । फाइनल शनिबार हुनेछ ।
नेपाल यस प्रतियोगिताको साविक विजेता पनि हो ।
प्रतिक्रिया 4