विनियोजन विधेयकको प्राथमिकतामा सांसद गजुरेलका १० बुँदे सुझाव

News Summary

Generated by OK AI. Editorially reviewed.

राष्ट्रिय स्वतन्त्र पार्टीका सांसद आशिश गजुरेलले विनियोजन विधेयकका सिद्धान्त तथा प्राथमिकतामाथि १० बुँदे सुझाव प्रस्तुत गर्नुभएको छ।
गजुरेलले निजि लगानीलाई आकर्षण गर्न कानुन, नीति र प्रक्रियामा सुधार गर्नुपर्ने र लगानी बोर्डको पुनःसंरचना आवश्यक भएको बताउनुभएको छ।
उहाँले विकासका लागि अधिकतम ४ खर्बभन्दा बढी बिनियोजन गर्न नसकिने र एक द्वार प्रणालीलाई प्रभावकारी बनाउनुपर्ने सुझाव दिनुभएको छ।

६ जेठ, काठमाडौं । राष्ट्रिय स्वतन्त्र पार्टीका सांसद आशिश गजुरेलले विनियोजन विधेयकका सिद्धान्त तथा प्राथमिकतामाथि १० बुँदे सुझाव प्रस्तुत गरेका छन् ।

प्रतिनिधिसभाको बैठकमार्फत उनले आफ्ना सुझाव प्रस्तुत गरेका हुन् ।

यस्ता छन् गजुरेलका सुझाव–

१ आम नागरिकको माग र राज्यको श्रोतको खाडल निकै ठूलो छ, यस्तो खाडल पुर्न राज्य को श्रोत पर्याप्त छैन ।

३ निजि लगानी (स्वदेशी र बिदेशी ) दुवै आकर्षण गर्न जरुरी छ।

४ तर निजि लगानी आज को कानुन, नीति र प्रक्रियाले सम्भब छैन, सुधार गरौं ।

५ निजि क्षेत्र लाइ लगानी सुरक्षित छ भन्ने प्रत्याभूति दिनु पर्छ।

६ निजि क्षेत्रले लगानी समाज सेबा गर्न होइन, कमाउन नै हो, त्यो बाताबरण राज्य बनाउनु पर्छ।

७ निजि क्षेत्रले कानुनको परिधि मा रहेर सहज रुप मा काम गर्ने बाताबरण बनाउन पर्छ।

८ लगानी बोर्ड जुन निजि क्षेत्र को लगानी प्रबर्धन गर्न प्रधानमन्त्रीको अधक्ष्यता मा बनेको छ, त्यो प्रभाबकारी छैन। यसको पुन:संरचना जरुरी छ ।

९ हाम्रो परियोजना बैंक नाम को मात्र छ, चभबमथ तय नय परियोजना बैंक निर्माण गरौं ।

१० एक द्वार प्रणाली नामको मात्र छ, लगानीकर्ता एउटा निकाय बाट अर्को मा धाउनु पर्ने अवस्था छ, त्यो अन्त्य गरौं ।