News Summary
Generated by OK AI. Editorially reviewed.- गृहमन्त्री सुधन गुरुङ र गृहसचिव राजकुमार श्रेष्ठले प्रयोग गर्ने सवारी साधनको सिसामा रहेको कालो स्टिकर ट्राफिक प्रहरीले हटाएको छ।
- गृहमन्त्री गुरुङ आफैं ट्राफिक प्रहरी कार्यालय पुगेर आफ्नो सवारीको कालो स्टिकर हटाउने अभियानमा सहयोग पुर्याएका छन्।
- अवैध गतिविधि न्यूनीकरण गर्न ट्राफिक प्रहरीले सवारी साधनमा कालो स्टिकर प्रयोग गर्ने कार्यविरुद्ध कडाइ सुरु गरेको छ।
१५ असार, काठमाडौं । ट्राफिक प्रहरीले गृहमन्त्री सुधन गुरुङ र गृहसचिव राजकुमार श्रेष्ठको सवारीको सिसामा रहेको कालो स्टिकर हटाएको छ ।
काठमाडौं उपत्यका ट्राफिक प्रहरी कार्यालयले सोमबार गृहमन्त्री र गृहसचिवको सवारीको सिसामा रहेको कालो स्टिकर हटाएको हो ।
ट्राफिक प्रहरीले गाडीमा रहेको सिसाको कालो स्टिकर हटाउने अभियान थालेपछि आफ्नो सवारीको पनि कालो स्टिकर हटाउन भन्दै गृहमन्त्री आफैं ट्राफिक प्रहरी कार्यालय पुगेका थिए ।
त्यसपछि प्रहरीले उनीहरूको सवारीको कालो स्टिकर हटाएको हो । उपत्यका ट्राफिक प्रहरी प्रमुख तथा एसएसपी सुरेश काफ्लेले कालो स्टिकर हटाउने अभियान नै सञ्चालन गरिएको बताएको छन् ।
अवैध गतिविधि हुने भन्दै कालो स्टिकर लगाइएका सवारीमाथि ट्राफिक प्रहरीले कडाइ सुरु गरेको छ ।
निजी तथा सार्वजनिक सवारीमा कालो स्टिकरको प्रयोग गर्ने र त्यसपछि स–साना हतियारको ओसारपसार, लागुऔषध ओसारपसार तथा सेवन हुने गरेको प्रहरीको भनाइ छ ।
कतिसम्म भने सुन ओसारपसारका घटनादेखि अपराधी फरार हुन समेत कालो स्टिकर लगाएको सवारी प्रयोग भएको पाइएको ट्राफिक प्रहरीले बताएको छ ।
सवारी तथा यातायात ऐन २०४९ को दफा ३९ अनुसार सवारी धनीले अधिकार प्राप्त अधिकारीको स्वीकृती नलिई रङ, सिट संख्या, स्वरूप, इन्जिन वा चेसिस परिवर्तन गर्न नहुने उल्लेख गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Imadol")
%20-%20Copy.jpg "House for Sale at Cozy Homes, Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4