२०७३ मंसिर ५ गते ६:०१ 
५ मंसिर, काठमाडौं । इग्लिस प्रिमियर लिग फुटबलमा लिभपुरललाई साउथहृयाम्पटनले बराबरीमा रोकेको छ । तर, पनि शीर्ष स्थानमा कायमै छ ।
शनिबार राति भएको खेलमा लिभरपुल र साउथहृयाम्पटनले गोलरहित बराबरी खेल्दै अंक बाँडेका हुन् । लिभरपुलले गोल गोल गर्न नसकेको यो सिजनमा मात्र तेस्रो खेल हो ।
उसका फवार्ड साडिओ माने दुई पटक गोलनजिक पुगेका थिए तर, साउथहृयाम्पटनका गोलरक्षकले रोके । ब्राजिलियन काउटिन्हो र रोबर्टो फिर्मिनोले पनि गोल गर्ने राम्रो मौका खेर फाले ।
उसो त घरेलु टोली साउथ हृयाम्पटनले पनि गोल गर्दै लिभरपुलमाथि जित हात पार्ने अबसर पाएको थियो । तर, सदुपयोग गर्न सकेन ।
बराबरीपछि लिभरपुल १२ खेलबाट २७ अंकका साथ शीर्ष स्थानमा छ भने १४ अंक जोडेको साउथ हृयाम्पटन १० औं स्थानमा छ ।
प्रतिक्रिया 4