२० कात्तिक, काठमाडौं । नेपालले एएफसी यू-१९ च्याम्पियनसिप छनोटको आफ्नो पहिलो खेलमा हार ब्यहोरेको छ ।
इरानमा आज भएको एएफसी यू-१९ च्याम्पियनसिप छनोटको समूह ‘डी’ को खेलमा नेपालले युएईसँग ४-० गोलअन्तरले पराजित भएको हो ।
खेलमा नेपाल आत्मघाति गोलबाट पछि परेको थियो । सुरुवात मै दबाबमा आएको नेपालले खेलको २७ औ मिनेटमा आत्मघाति गोल गर्न पुग्यो । योसँगै यूएईले १-० गोलको अग्रता बनायो ।
खेलको ३८ औ मिनेटमा ईशा खालिफानले गोल गर्दै पहिलो हाफसम्म २-० गोलको अग्रता दिलाए । खालिफा युसुफले ७१ औैं र अतिरिक्त समयमा अब्दुल्ला हामदले गोल गर्दै नेपालविरुद्ध यूएईलाई ४-० गोलको जित दिलाए ।
