ठेलामा राखेर उपचार गराउन लैजाने सिं‌खडा परिवारलाई सहयोग

डम्बरबहादुर आफ्नी बिरामी पत्नीका साथ ।

२२ जेठ, काठमाडौं । एम्बुलेन्सलाई तिर्ने पैसा नभएर डालासिस गराउन श्रीमतीलाई ठेलामा राखेर अस्पताल लैजाने डम्बरबहादुर सिंखडाले आर्थिक सहयोग पाएका छन् ।

गत जेठ ११ गते अनलाइनखबरमा उनको कथा प्रकाशित भएपछि उनलाई २ लाख भन्दा बढी आर्थिक सहयोग भएको छ । क्यानाडामा काम गर्ने नेपाली विद्यार्थी कुवेर विष्ट र उनका साथीहरुले ३२ हजार ६ सय ४९ रुपैयाँ सहयोग गरेका छन् ।

क्यानडाकै अर्को एक समूहले सिम्खडालाई १ लाख ७० हजार रुपैयाँ भन्दा बढी आर्थिक सहयोग गरेको छ । उक्त समुहले आफ्नो नाम उल्लेख नगर्न अनलाइनखबरलाई आग्रह गरेको छ।

उनी धादिङको गंगा जमुना गाउँपालिका गलनेका डम्बरबहादुर सिम्खडाले मिर्गौलारोगी श्रीमतीलाई डायलासिस गराउन सामाखुशीस्थित डेराबाट वीर अस्पतालसम्म ठेलामा राखेर ल्याउने लैजाने गर्दै आएका छन् । उनले ट्याक्सीलाई तिर्ने रकम नहुँदा यसरी ठेलामा ल्याउने लैजाने गर्नुपरेको बताएका छन् ।