२० असार काठमाडौं । सर्वसाधारणले अत्यधिक उपयोग गर्ने फलफूल स्याउको मुल्य शुक्रबार एकैदिन तीन रुपैयाँले बढेको छ ।
कालीमाटी फलफूल तथा तरकारी बजारले शुक्रबारका लागि एक किलो स्याउको औषत मुल्य एक सय ९३ रुपैयाँ ३३ पैसा तोकेको छ । बिहीबार एक किलो स्याउको औषत मुल्य एक सय ९० रुपैयाँ थियो ।
बिहीबार र शुक्रबारका लागि कालीमाटी बजार व्यवस्थापनले तोकेको न्यूनतम र अधिकतम मुल्यमा भने कुनै थपघट भएको छैन । दुबैदिन एक किलो स्याउनको न्यूनतम मुल्य एक सय ८० रुपैयाँ र अधिकतम दुई सय रुपैयाँ रहेको छ ।
केहीदिनयता बढ्दै आएको प्याज भने शुक्रबार एक रुपैयाँले घटेको छ । बिहीबार ४६ रुपैयाँ २५ पैसा रहेको एककिलो प्याजको औषत मुल्य शुक्रबार भने ४५ रुपैयाँ ३३ पैसामा झरेको कालीमाटीले जनाएको छ ।
