२३ असोज, काठमाडौं । एकीकृत नेकपा माओवादी संसदीय दलको उपनेतामा टोपबहादुर रायमाझी नियुक्त भएका छन् ।
विहीबार बसेको एमाओवादी संसदीय दलको बैठकले बाबुराम भट्टराई पक्षका सभासद रायमाझीलाई उपनेता बनाउने निर्णय गरेको हो ।
एमाओवादीले संसदीय बोर्डसमेत गठन गरेको छ । बोर्डको सचिवमा अग्नि सापकोटालाई जिम्मेवारी दिइएको छ ।
त्यसैगरी दलको सचेतकमा सभासद रेखा शर्मालाई नियुक्त गरिएको एमाओवादीले जनाएको छ ।
पार्टी अध्यक्ष प्रचण्ड संसदीय दलको नेता बनेको लामो समय बित्दा पनि एमाओवादीले पार्टीभित्रको आन्तरिक किचोलोका कारण दलको उपनेता र सचेतकको नाम टुंगो लगाउन सकेको थिएन ।