२५ वैशाख, चितवन । चितवनको टिकौली जंगलमा ट्रयाक्टरबाट खसेर एकजनाको मृत्यु भएको छ । नयाँ शक्ति नेपालको आमसभामा भाग लिन भरतपुरतर्फ आउँदै गरेका कार्यकर्ता चढेको ट्रयाक्टरबाट खसेर एक पुरुषको मृत्यु भएको हो ।
मृतकको पहिचान भने नखुलेको जिल्ला प्रहरी कार्यालय चितवनका प्रहरी उपरीक्षक बसन्त कुँवरले जानकारी दिए । सो ट्रयाक्टर विहान नयाँशक्तिका कार्यकर्ता बोकेर रत्ननगरको सालघारीबाट आउँदै थियो ।
शनिबार चितवनको भरतपुरस्थित विरेन्द्र बहुमुखी क्याम्पसमा नयाँशक्ति नेपालको आमसभा छ । आमसभामा नयाँ शक्तिका संयोजक बाबुराम भट्टराई, नेता मुमाराम खनाल, बलावती शर्मा लगायतले सम्बोधन गर्दैछन् ।
