‘अमरपन्छी’मा सफ्टदेखि हट प्रियंका(फोटो फिचरसहित)

शनिबार काठमाण्डौको टुँडिखेलमा १० हजार माथि दर्शकको उपस्थितीमा आयोजना भएको ‘अमरपन्छी’ कार्यक्रममा नेपाली चलचित्रका नायिकाहरुले दरिलो प्रस्तुती थिए ।

धेरै नायिकाले पहिलो पटक स्टेजमा नृत्य गरेका थिए भने केहीले नेपालमा । बलिउडबाट आएका २ नायिकाका कारण नेपाली नायिकालाई चुनौती छ भन्ने अड्कल सुरुमै काटिएको थियो । केही दिन अगाडि काठमाण्डौमा आयोजना भएको पत्रकार सम्मेलनमा प्रियंका कार्कीेले स्टेज र लाइट राम्रो हुने हो भने आफूहरु कोही भन्दा कम नभएको बताएकी थिइन् । उनले बलिउड नायिकाहरुलाई नेपाली नायिकासँग चुनौती हुने बताएकी थिइन् ।
यसैले पनि नायिका कार्कीेप्रति सबैको नजर थियो । डोली चढेर फूल छर्दै दर्शकदिर्घामा लालटिन बालेर आएकी कार्कीको प्रस्तुती गजबकै थियो । उनले आफूले सकेको उत्कृष्ट प्रस्तुती दिइन् । प्रियंकाले सफ्ट पहिरनमा ‘तिमी नै मेरो, सुर्के थैली, सिरमै सिरबन्दी, कम्मर माथि पटुकी’ बोलको गीतमा नृत्य गरिन् । यसपछि पहिरन परिवर्तन गरेर हट बनेकी प्रियंकाले ‘मेरो रुपम काली काली, कोही भन्छन् मलाई’ लगयतका गीतमा नृत्य गरिन् ।

नृत्यमा पोख्त मानिएकी सुन्दरीको कलालाई दर्शकले रुचाए । प्रियंका स्टेजमा आउँदा दर्शकको हुटिङ पनि राम्रै थियो । नेपाली नायिकाले नृत्य गरेको सम्पूर्ण गीतको कोरियोग्राफी रेनशा राई वान्तवाले गरेकी थिइन् ।