२५ जेठ, काठमाडौं । एघारौं महाधिवेशनको मिति र स्थान निश्चित गर्न नेपाली कांग्रेस निकट नेविसंघको केन्द्रीय समितिको बैठक आज बस्दैछ । बैठक बिहान ११ बजेपछि कांग्रेस केन्द्रीय कार्यालय सानेपामा बोलाइएको छ ।
बैठकले महाधिवेशन कहाँ र कहिले गर्ने भनेर टुंगो लगाउने प्रवक्ता यूपी लामिछानेले जानकारी दिए । बैठकमा अध्यक्ष रञ्जित कर्णले असार मसान्तसम्म महाधिवेशन गर्ने प्रस्ताव पेश गर्ने तयारी गरेका छन् । काठमाडौं, पोखरा, चितवन वा विराटनगरमध्ये कुनै एक स्थानमा महाधिवेशन गर्ने प्रस्ताव पनि कर्णले गर्ने बताइएको छ ।
तत्कालीन पार्टी सभापति सुशील कोइराला र शेरबहादुर देउवा पक्षको अन्तरसंघर्षका कारण महाधिवेशनको मिति पटक-पटक तोकिए पनि स्थगित हुँदै आएको थियो । १३ औं महाधिवेशनबाट पार्टी सभापतिमा देउवा निर्वाचित भएलगत्तै भ्रातृ संगठनहरुको महाधिवेशन भदौ भित्र गराइसक्ने घोषणा गरेका थिए ।
२०६४ सालदेखि हुन नसकेको नेविसंघको महाधिवेशनलाई चासोका साथ हेरिएको छ । आउँदो महाधिवेशनबाट नेविसंघ संघीय संरचनामा जानेछ ।
मंगलबारको केन्द्रीय समितिको बैठकमा केन्द्रीय समितिको संख्या, पदाधिकारीको संख्या, नीति तथा कार्यक्रम लगायतका विषयमा पनि छलफल हुनेछ । बैठकले महाधिवेशन प्रतिनिधिलगायत आवश्यक तयारीका सम्पूर्ण प्रक्रिया टुंगो लगाउने नेविसंघ प्रवक्ता लामिछानले जानकारी दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4