१६ असार, उदयपुर । उदयपुरको ताप्लिपोखरी गाउँपालिकाको अध्यक्षमा एमालेका उद्धवसिंह थापा विजयी भएका छन् । प्रतिस्पर्धी स्वतन्त्र उम्मेदवारलाई २३ मतको झिनो अन्तरले पछि पार्दै थापा विजयी भएका हुन् ।
विजयी थापाले १ हजार २ सय ९१ मत प्राप्त गर्दा स्वतन्त्र उम्मेदवार पदमबहादुर तामाङले १ हजार २ सय ६८ मत प्राप्त गरेको प्रमुख जिल्ला अधिकारी कालीप्रसाद पराजुलीले जानकारी दिएका छन् ।
त्यसैगरी उपाध्यक्षमा एमालेकै कमलामाया राई १ हजार ८ सय २१ मत प्राप्त गरी विजयी भएकी छन् । निकटतम प्रतिद्वन्द्वी कांग्रेसकी धना मगरले १ हजार ५ सय ६३ मत प्राप्त गरेकी छन् ।
५ वटा वडा रहेको ताप्लिमा एमाले वडा नम्बर १, २ र ३ मा वडाध्यक्षसहित प्यानलै विजयी भएको हो । त्यस्तै, ४ र ५ मा वडाअध्यक्ष माओवादी र बाँकी पदहरूमा कांग्रेस र माअोवादीको मिश्रित परिणाम आएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4