२२ साउन, काठमाडौ । व्यवस्थापिका संसदको उद्योग, वाणिज्य तथा उपभोक्ता हित सम्बन्ध समितिले पेट्रोलियम भण्डारणका लागि आयल निगमले खरिद गरेको जग्गाको स्थलगत अनुगमन गर्ने भएको छ ।
समितिको आइतवार बसेको बैठकले निगमको जग्गा खरिदमा अनियमितता भएको सम्बन्धमा स्थलगत अध्ययन गर्ने निर्णय गरेको सांसद सुवासचन्द्र ठकुरीले अनलाइनखबरलाई बताए ।
समिति मंगलबारदेखि आयल निगमले किनेको झापा, सार्लाही, चितवन र भैरहवाको जग्गाको अनुगमनमा निस्किने सांसद ठकुरीले बताए ।
जग्गा खरिदमा भएको अनियमितताका सम्बन्धमा प्रमुख जिल्ला अधिकारी, स्थानीय विकास अधिकारी लगायतका सरोकारवाला निकाय र स्थानीयसँग पनि राय लिइने समितिले जनाएको छ ।
‘खरिद गरिएको जग्गाको भौतीक स्थिति, इन्जिनियरिङ पक्ष र मूल्यको सम्बन्धमा अध्ययन गरेर सम्बन्धित निकायलाई प्रतिवेदन बुझाउनेछ,’ सांसद ठकुरीले भने ।
जग्गा खरिद सम्बन्धमा निगमबाट फाइल झिकाएर अध्ययन भइरहेको समितिले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4