बुधबार, ३० साउन, २०७५
OnlineKhabar.com
Suzuki

फेरियो भरतपुर र नारायणगढ, यसरी हुँदैछ व्यवस्थित

Suzuki
सुवास पण्डित

२५ साउन, चितवन । एक समय मानिसहरुलाई लाग्थ्यो, नारायणगढ बजार झर्न नपरे पनि हुन्थ्यो । साँघुरो सडक, गुडेका रिक्सा र ट्याम्पो, म्याजिकको दादागिरी ।

सडक पेटीमा विस्कुन सुकाए झै सामान राखेर ब्यापार गर्नेहरु । कपाल काट्ने त्यही, जुत्ता पालिस लगाउने पनि त्यही, दुर्गन्ध उतिकै । सर्वसाधारण नागरिकलाई नत फुटपाथमा हिँड्न सहज थियो, नत सडकमा यात्रा गर्न नै ।
तर, अहिले भरतपुर र नारायणगढ क्षेत्रको स्वरुप फेरिएको छ । नारायणगढ बजार क्षेत्र भरतपुर महानगरपालिका वडा नं ३ मा पर्दछ भने, भरतपुरको मुख्य क्षेत्र वडा नं १० मा पर्दछ ।

भरतपुर महानगरपालिकाले गत साउन १० गतेबाट मूख्य राजमार्ग क्षेत्रमा अटो रिक्सा र ट्याम्पोलाई रोक लगाएको छ । यसले बजार क्षेत्र धेरै खुल्ला देखिएको छ ।

जिल्ला ट्राफिक कार्यालय चितवनका प्रमुख वेदप्रसाद गौत्तमका अनुसार भरतपुर क्षेत्रमा ३ हजार ९ सय अटो रिक्सा र ट्याम्पो छन् । अहिले भित्री सडकमा मात्रै गुड्छन् ।

यस्तै महानगरले १५ जेठदेखि बजार क्षेत्रमा फुटपाथ व्यपार गर्न रोक लगाएको छ । मुख्य बजार क्षेत्रमा ५०० मिटर दायाँबायाँ ठेला तथा फुटपाथ पसल राख्न पाइँदैन । यसले सार्वसाधारणलाई सडक पेटीमा हिँड्न निकै सहज बनेको छ ।

बालकुमारी कन्या माविको आडमा रहेको सरकारी जग्गामा १७० फुटपाथ व्यवसायीलाई व्यवस्थापन गरेको छ । ६ कठ्ठामा फैलिएको जग्गामा सटर निर्माण गरिएको हो ।

यसअघि पटकपटक फुटपाथ हटाउने भनिएपछि महानगर असफल बनेको थियो । निर्वाचित जनप्रतिनिधिले विगत एक बर्षको अवधिका गरेको देखिने काम भनेकै फुटपाथ हटाउने र तीन प्रांग्रे सवारीलाई राजमार्गमा गुड्न रोक लगाउने हो ।

पूर्व-पश्चिम राजमार्गमा पर्ने नारायणगढ बजार सडक छेउका पैदलमार्ग, अस्तव्यस्त पार्किङ, तीनपाङ्ग्रे सवारी र पसल अगाडि राखिने सामग्रीको व्यवस्थापन गरिएको छ । भरतपुर महानगरपालिकाले सडक छेउमा पार्किङ निषेध गरेर बजारका तीन ठाउँमा सवारी पार्किङ स्थल निर्माण गरेको छ ।

ट्राफिकले सवारी आवागनमलाई सहज बनाउन र ट्राफिक प्रहरीको पनि सहजताका लागि अहिले विभिन्न स्थानमा महानगरको सहकार्यमा आकर्षक ट्राफिक पोष्ट निर्माण गरिएको छ ।

बसपार्क चोक, हाकिमचोक, चौंविकोठी, वीरेन्द्र क्याम्पस चोक, लायन्सचोक, शहिदचोक, पुल्चोकमा गरी १२ वटा आइल्याण्ड निर्माण गरिएको छ । यसले बजारलाई थप व्यवस्थित बनाएको छ । बजार क्षेत्रमा बर्षोदेखि नबलेका सडक वत्तीहरुलाई बाल्ने काम गरिएको छ ।

भरतपुर महानगरपालिकाकी मेयर रेणु दाहालले जनप्रतिनिधि आएपछि शहरलाई सफा, सुन्दर र सुरक्षित बनाउने अभियान सुरु गरिएको बताएकी छन् । पार्किङसँगै ढल व्यवस्थित गर्ने, सडक फराकिलो पार्ने, रातको समयमा सबै ठाउँमा सडक बत्ती राख्ने र रुख विरुवा लगाएर हरियाली बनाउने उनले बताइन् ।लामो र छोटो दुरीका सवारीलाई बजार क्षेत्रमा मानिस चढाउने र झार्ने निश्चित ठाउँ तोकिएको छ ।

रायणगढको पोखरा बसपार्क र भरतपुरको केन्द्रीय बस टर्मिनल बाहेक अन्यत्र पार्किङ गर्न निषेध गरिएको छ । बजार क्षेत्रमा अटो रिक्सा र ट्याम्पो हटाएपछि ट्राफिक व्यवस्थापनमा निकै नै सहजता आएको जिल्ला ट्राफिक प्रहरी कार्यालय चितवनका प्रमुख वेदप्रसाद गौतमले बताए ।

फुटपाथमा पैदल यात्रुको अधिकार बल्ल स्थापित भएको ट्राफिक प्रमुख गौतमको भनाइ छ ।

लायन्स चोकको फलफूल तथा तरकारी बजारलाई क्षेत्रपुरमा स्थानान्तरण गर्ने काम भइरहेको छ । बजार क्षेत्रमा तीनपाङ्ग्रे सञ्चालनमा रोक लगाएसँगै ठूलो संख्यामा चारपांग्रे भित्रिन नदिन सरोकारवाला संस्थामा पत्राचार गरेको छ ।

महानगरले बैंक, वित्तीय संस्था, ठूला कम्प्लेक्सलाई पत्राचार गरेर आ-आफ्नो पार्किङको व्यवस्थापन गर्न आग्रह गरेको छ । वडामा व्यवस्थित हाट बजार निर्माण भइरहेका छन् ।

भरतपुर महानगरपालिका क्षेत्रमा ८ वटा स्थानमा हाट बजार लाग्छ । हाट बजारलाई ब्यबस्थित बनाउन र नयाँ थप खोल्न महानगरपालिकाले कुनै सहयोग नगरेको गुनासो हाटबजार विकास व्यवसाय समिति चितवनका अध्यक्ष लालबहादुर रायले गरे ।

कोही खुसी, कोही दुःखी ! 

बजार क्षेत्र सुन्दर र व्यवस्थित बनेकोमा फुटपाथ र सडकमा यात्राहरुले खुसी र उत्साहित बनेका छन् । तर, बजार क्षेत्रमा बसेर व्यापार गर्ने भने त्यति खुसी देखिएनन् ।

बजार क्षेत्रमा भेटिएका केही प्रतिनिधिमूलक व्यापारीहरुले महानगरको यो निर्णयबाट दुःख पाएको र व्यापार घटेको प्रतिक्रिया दिए । होटल व्यवसायी आनन्दकुमार रञ्जितले तीनपांग्रे हट्दा व्यापारीले दुःख पाएको र ब्यापार घटेको गुनासो गरे ।

उनले तीनपांग्रेेलाई पहिल्यै महानगरले नियन्त्रण गर्न नसक्दा सवैलाई मार परेको बताए । ‘होटलमा सामान ल्याउनुर्‍यो भनेपनि आफैं गएर बोकेर ल्याउनुपर्छ, पहिला तीनपांग्रेले ल्याइदिन्थ्यो’ उनले भने, ‘शहर बजारमा भीडभाड नभए गाउँमा हुन्छ त ?’

शुभकामना इलेक्ट्रोनिक्स नारायणगढका सञ्चालक सूर्यभक्त अधिकारीले तीनपांग्रे हटेसँगै बजार क्षेत्र सुनसान भएको र ब्यापारमा असर परेको बताए । ‘पहिला फुटपाथ र तीनपांग्रे चल्दा चहलपहल थियो, अहिले सुनसानजस्तै छ’ उनले भने ।

विगत तीन बर्षदेखि अटोरिक्सा चलाउँदै आएका भरतपुर ४ त्रिचोकका हिमाल काफ्लेले राजमार्गमा गुडाउन नपाउँदा आम्दानी घटेको बताउँछन् दैनिक १०००/१५ सय आम्दानी हुने गरेकोमा अहिले ४/५ सय भएको काफ्लेले बताए । तीनपांग्रे हटाएकोमा सर्वसाधरण नागरिक त खुसी भएका छन्, बजार खुल्ला भएको छ नि भन्ने प्रश्नमा तीनपांग्रे चालक काफ्लेले भने, ‘आफ्नो सवारी साधन हुनेहरु खुसी भएका छन्, नहुनेहरु दुःखी भएका छन् ।’

सडक र फुटपाथमा हिड्नेहरुले भने फुटपाथ र तीनपांग्रे हटेकोमा खुसी लागेको बताएका छन् । भैसाखोरी नवलपरासीकी शर्मिला महतोले पहिलाको नारायणगढ बजार र अहिलेको बजारमा धेरैं फरक पाएको बताइन् । नवलपरासी प्रगतीनगरकै राजेश गौतमले महानगरको निर्णयको स्वागत गरे । तर, यसलाई निरन्तरता दिनु प्रमुख चुनौंती भएको गौतमको भनाइ छ ।

राजमार्ग क्षेत्रबाट तीनपांग्रे सवारी हटेपछि ट्याक्सी र म्याजिक भ्यानहरुले पैसा कमाउन थालेका छन् । ट्याक्सी चालक समर अली, म्याजिक चालक हरि दर्जी र समुन विकले पहिलाभन्दा आफूहरुको दैनिक आम्दानी अटो हटाउँदा बढेको बताए ।

‘पहिला त अटोले यात्रु खोसेर लैजान्थे अहिले आनन्द भएको छ’ ट्याक्सी चालक समर अलिले भने, ‘अति गरेपछि खती हुन्छ ।’  भरतपुर क्षेत्रमा अहिले करिव ४ सयको हाराहारीमा म्याजिकहरु सञ्चालनमा रहेका छन् भने ६ सयभाडा ट्याक्सी छन् ।

२०७५ साउन २५ गते १६:३२ मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

५ प्रतिकृयाहरू प्राप्त
  • mohan bahadur thapa लेख्नुहुन्छ    |   २०७५ साउन २५ गते १७:०९

    ramro grnu vyako x renu madam ley .hamilya kojyako ni astai chitwan ho .aba taxi ma ni mitter machin lagunu jaruri x .mitter ko hisab ley mulya tokinu jruri x .jun abidh rup ma vyako swari sadhan lai cancel grnu parx .kuci lagyo ma hal nepal bata tada out country xu afno des afno ghau ghar ko muhar feriyako ramro vyako sunda news padha vitrai dekhi kuci fill hunx ..asari ni prud nepal banudaai janu hola ..hamro nepal aru kunai des vanda kam xina .bas kami x ta teslai kasrai ramro banunya kasri des ra janta ko lagi ramro grnya testai da6ya person ko jaruri theyo aba hamilya renu dahal madam lai pyako xu hajur ley audo din haru ma ni asrai nai ramro grdai janu hola ma ra yo out of country ko pepole haru hajur ko suport ma xu alys ..tq so much agin hajur lai …

    13
    6
    Share

  • Pushp Raj shrestha लेख्नुहुन्छ    |   २०७५ साउन २५ गते १७:४८

    राम्रो कार्यकाे सिकाे नेपालगन्ज
    लगायत अन्य उपमहा/नगरपालिकाहरुले पनि गरून्, खासगरि तराईका अब्यवस्थित पालिकाहरुले ।

    23
    1
    Share

  • Bishal लेख्नुहुन्छ    |   २०७५ साउन २५ गते २२:१०

    For business around the footpath….municipality should give some pocket areas with electricity, drinking water, sewer lines.
    For footpath food vendors its good to give sone areas so that they can make living out of business too.
    For this we can take lesson from singapore where they allocated areas for such footpath fastfood owners which are now listed in michelin starred resturants, top of world by food critics. With clean water, eletricity and clean areas its hygenic to the consumers also and regular inspection is always necessary…

    3
    0
    Share

  • सन्तोष पन्त लेख्नुहुन्छ    |   २०७५ साउन २६ गते १८:२०

    अव ओभरहेड ब्रीज र ट्राफिक लाईटको सुरुवात गर्ने र भरतपुर ओरालोमा मेडीयन राख्ने काम बाँकि छ । चाडै सुरुआत होस, मेरो शुभकामना ।

    3
    0
    Share

  • United States Of Nepal लेख्नुहुन्छ    |   २०७५ साउन २७ गते १२:५३

    मोटो बुद्धि
    के गर्नु नेपालि परियो
    गुट्खा, पान खाएर आफ्नो हातमा थुक्ने कुरा भएन
    बुट्यानको फेद नभए गतिलो मुत्र त्याग हुन्दैन
    चौचौको खोस्टा, पानपरागको पाकेट आफ्नो पाकेटमा हाल्ने कुरा भएन
    तिम्रा इञ्जिनिअरले जे सुकै डिजाइन गर,
    यो मन त मेरो नेपालि हो ~~~

    3
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this