२०७५ चैत ४ गते १८:२८ 
४ चैत, जनकपुरधाम। प्रदेश २ सरकारले हङकङमा सम्पन्न तेस्रो एशियाली युथ एथलेटिक्स प्रतियोगितामा नेपालका लागि स्वर्ण पदक जित्ने यसै प्रदेशको सप्तरीका अजित यादवलाई ५ लाख नगद पुरस्कार दिने घोषणा गरेको छ ।
प्रदेश मन्त्री परिषद्को सोमबार बसेको बैठकले तेस्रो एशियाली युथ एथलेटिक्समा स्वर्ण पदक प्राप्त गरेर मुलुकको साथै प्रदेश नम्बर २ को समेत नाम विश्वस्तरमै चिनाएकाले यादवलाई यो पुरस्कार दिने निर्णय गरेको हो ।
हङकङमा आइतवार भएको तेश्रो एसियाली युथ एथलेटिक्स च्याम्पियनसिपको पुरुष तर्फ ३ हजार हजार मिटर दौडमा ८ मिनेट ३०.३२ सेकेण्डमा पूरा गर्दै सप्तरी सदरमुकाम राजविराज निवासी यादवले नेपाललाई युथ एशियाली खेलकुदमा पहिलोपटक स्वर्ण पदक दिलाएका हुन । अजित यादव यस प्रतियोगितामा नेपाललाई स्वर्ण दिलाउने पहिलो खेलाडी समेत बनेका छन ।
प्रतिक्रिया 4