काठमाडौं । महेन्द्र सिंह धोनीको कप्तानीमा रहेको चेन्नई सुपर किङ्ग्सले इण्डियन प्रिमियर लिग (आईपीएल)मा शानदार सुरुवात गरेको छ ।
चेन्नईले उद्घाटन खेलमा विराट कोहलीको रोयल च्यालेन्जर्स बैंग्लोरलाई ७ विकेटले हरायो ।
टस जितेर बैंग्लोरलाई ब्याटिङको निम्तो दिएको चेन्नईका बलरहरुले शानदार बलिङ गरे । बैंग्लोरका पार्थिव पटेलले २९ रन बाहेक कुनै पनि ब्याट्सम्यानले दोहोरो अंक बनाउन सकेनन् र १७.१ ओभरमा सबै विकेट गुमाएर मात्र ७० रन बनाउन सक्यो । उसका कप्तान कोहली मात्र ६ रनमा पहिलो विकेटका रुपमा आउट भएका थिए ।
बैंग्लोरलाई सस्तैमा समेट्ने क्रममा इमरान ताहिर र हरभजन सिंहले समान ३–३ विकेट लिएका थिए ।
मात्र ७१ रनको लक्ष्य घरेलु टोली चेन्नईले १७.४ ओभरमा ३ विकेट गुमाएर भेट्टायो । उका लागि अम्बाती रायडूले २८ रन बनाए भने सुरेश रैनाले १९ रन जोडे ।
