१९ साउन, काठमाडौं । भारतको विभिन्न शहरमा बसेर नेपाली व्यवसायीलाई धम्क्याएको आरोपमा एक जना पक्राउ परेका छन् । पक्राउ पर्नेमा ललितपुरका ३० वर्षीय उदय गिरी छन् ।
महानगरीय अपराध अनुसन्धान महाशाखा, टेकुका एसपी केदार ढकालका अनुसार गिरीले विभिन्न मितिमा नेपाली तथा भारतीय मोबाइल नम्बरको प्रयोग गरेर व्यवसायीलाई धम्क्याएका थिए ।
‘उनले ७५ लाख रुपैयाँ माग गरेका थिए’, ढकालले भने, ‘विशेष सूचनाका आधारमा पक्राउ गरेका हौं ।’ धापाखेलबाट उनलाई नियन्त्रणमा लिएर अनुसन्धान थालिएको ढकालले बताए ।
गिरी यसअघि पनि हातहतियार तथा खरखजना मुद्दामा ३ वर्ष जेल बसेर छुटेका व्यक्ति हुन् ।
