३१ साउन, काठमाडौं । काठमाडौंमा बसोबास गर्ने गोरखाका बासिन्दाले शुक्रबार आफ्नै शैलीमा गाईजात्रा पर्व मनाए । काठमाडौंको वनस्थलीबाट सुरु भएको गाईजात्रामा घोडा नाच, गाईनाच, लाखेनाच, टाक्टुके नाच प्रदर्शन गरिएको थियो ।
परम्परागत नेवारी पोशाकमा सजिएका उनीहरुले विभिन्न हाउभाउ देखाएर मनोरञ्जन गराएका थिए ।
नेवार समुदायमा गाईजात्रा दिवंगत आफन्तको सम्झनामा देखाउने गरिन्छ । उक्त गाईजात्रा वनस्थली, बोहराटार, रानीवन, राधाकृष्ण मन्दिर, ढुङ्गेधारा, नयाँबजार हुँदै पुन वनस्थलीमा आएर सकिएको थियो ।
