२४ माघ, विराटनगर । विराटनगरमा कारको ठक्करबाट एकजना महिलाको मृत्यु भएको छ ।
शुक्रबार दिउँसो विराटनगर महानगरपालिका– ६ स्थित सम्झना चोकको भित्री सडकमा को १ च ६६३९ नम्बरको कारको ठक्करबाट स्थानीय ५५ वर्षीया जागोदेवी कामतको मृत्यु भएको हो ।
दिउँसो घर बाहिर सडकमा घाम तापीरहेको अवस्थामा पश्चिमबाट पूर्व तर्फ तीब्र गतिमा आउँदै गरेको कारले ठक्कर दिएको थियो ।
ठक्करबाट घाइते महिलालाई उपचारका लागि न्यूरो अस्पताल लैजाने क्रममा बाटोमै मृत्यु भएको जिल्ला प्रहरी कार्यालय मोरङका प्रहरी नायव उपरीक्षक मानबहादुर राईले जानकारी दिए ।
