काठमाडौं । पिएरे एमरिक ओवामेयाङले २ गोल गरेपछि आर्सनलले प्रिमियर लिगमा एभरटनलाई ३–२ ले पराजित गरेको छ ।
खेलको पहिलो मिनेटमै डोमिनिक कालभर्ट लेविनले गोल गर्दै एभरटनलाई अग्रता दिलाएका थिए । २७ औं मिनेटमा एडि एनकेथिएले आर्सनलका लागि बराबरी गोल फर्काए । ३३ औं मिनेटमा ओवामेयाङले व्यक्तिगत पहिलो गोल गर्दा आर्सनलले २–१ को अग्रता बनायो ।
तर पहिलो हाफको इन्जुरी टाइममा रिचार्लिसनले गोल गर्दै खेल बराबरीमा ल्याए ।
दोस्रो हाफमा आर्सनलले १ गोल थप्दै जित हात पार्यो । ओवामेयाङले ४६ औं मिनेटमा व्यक्तिगत दोस्रो गोल गरे ।
जितपछि २७ खेलबाट ३७ अंक जोड्दै आर्सनल नवौं स्थानमा उक्लेको छ । समान खेलबाट ३६ अंक रहेको एभरटन ११ औं स्थानमा छ ।
