२२ वैशाख, काठमाडौैं । करिब दुई महिनापछि इटालीमा लगाइएको लकडाउन केही खुकुलो पारिएको छ । कोरोना भाइरस (कोभिड-१९) को महामारी कम भएसँगै इटालीले लकडाउन केही खुकुलो पार्ने निर्णय गरेको हो । यससँगै अब मानिसहरू आफ्नो घरको आसपास निस्किन पाउने भएका छन् । साथै आफन्तको घरमा जाने, पार्कमा घुम्न जाने र रेष्टुरेन्टबाट खाना प्याक गराउन सक्ने भएका छन् ।
सरकारले लकडाउन खुकुलो पारेसँगै करिब ४० प्रतिशत मानिसहरू काममा फर्किने अपेक्षा गरिएको छ । इटालीका प्रधानमन्त्री जिउसेप्पी कोन्टेले आगामी दिनमा कोरोना भाइरसको संक्रमणलाई ध्यानमा राख्दै लकडाउन अझ खुकुलो पार्ने वा बढाउने विषयमा निर्णय गरिने बताएका छन् । उनले मानिसहरूलाई आफूहरू कोरोना संक्रमणबाट मुक्त भएको भनेर नबुझ्न आग्रह गरेका छन ।
इटालीमा अहिलेसम्म कोरोना भाइरसबाट दुई लाख १० हजारभन्दा धेरै मानिस संक्रमित भइसकेका छन् भने २८ हजार आठ सय ८४ जनाको मृत्यु भइसकेको छ ।
स्रोत : बीबीसी
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4