सुनको मूल्य तोलामा ४ सय रुपयाँले घट्यो

१२ कात्तिक, काठमाडौं । साताको अन्तिम कारोबार दिन सुन र चाँदी दुवैको मूल्य घटेको नेपाल सुन चाँदी व्यवसायी महासंघले जनाएको छ ।

आज छापावाल सुनको मूल्य अघिल्लो दिनको तुलनामा तोलामा चार सय रुपैयाँले घटेर ९२ हजार रुपैयाँ कारोबार मूल्य तोकिएको छ भने तेजावी सुनको भाउ ९१ हजार पाँच सय रुपैयाँमा झरेको छ ।

आज चाँदीको मूल्य प्रतितोलामा ५ रुपैयाँले घटेर १२ सय ४५ रुपैयाँ खरिद बिक्री मूल्य तोकिएको महासंघले जनाएको छ।