शेयर बजारमा सुधारको संकेत, दोहोरो अंकले बढ्यो परिसूचक

२९ कात्तिक, काठमाडौं । साताको दोस्रो दिन सोमबार शेयर बजारमा सुधारको संकेत देखिएको छ । केही दिन यता लगातार घटिरहेको शेयर बजार सोमबार भने दोहोरो अंकले बढेको छ ।

शेयर कारोबार मापक नेप्से परिसूचक २६ दशमलव ४४ अंकले बढेर २ हजार ७ सय १५ दशमलव ३५ अंकमा पुगेको छ । शेयर कारोबार रकम भने ५ अर्ब पनि पुग्न सकेन ।

दिनभर भएका ५९ हजार ३१६ कारोबारबाट ८६ लाख ३६ हजार ६३६ कित्ता शेयर किनबेच भएका छन् । जसअनुसार कारोबार रकम ४ अर्ब ७३ करोड ४६ लाख ५१ हजार ४४४ रुपैयाँमा रोकिएको छ ।

सोमबार सबैभन्दा धेरै विकास बैंकको शेयर मूल्य बढेको छ ।