कैलालीमा लागुऔषधसहित दुईजना पक्राउ

७ मंसिर, धनगढी । कैलालीमा लागुऔषधसहित दुई जना पक्राउ परेका छन् ।

धनगढी उप–महानगरपालिका–२ त्रिनगर भन्सार नजिकैबाट बैयाबेहडी बस्ने २६ वर्षीय सन्देश बोगटी र धनगढी–१ का ३० वर्षीय बिजय मगरातीलाई पक्राउ गरिएको जिल्ला प्रहरी कार्यालयले जनाएको छ ।

उनीहरुको साथबाट ७ ग्राम ९ मलिग्राम लागुऔषध ब्राउन सुगर बरामद गरिएको छ भने लु४५प २६५३ नम्बरको मोटरसाईकल पनि नियन्त्रणमा लिइएको छ ।

पक्राउ परेका दुवै जनाविरुद्ध लागुऔषध कसूरमा मुद्दा दर्ता गरेर अनुसन्धान भइरहेको प्रहरीले जनाएको छ ।