बौद्धमा सानिमा बैंकको वित्तीय साक्षरता कार्यक्रम

काठमाडौं । सानिमा बैंकले काठमाडौंको बौद्धमा रहेको शान्ति फाउन्डेसनमा वित्तीय साक्षरता कार्यक्रम आयोजना गरेको छ ।

सानिमा बैंकको गोकर्णेश्वर शाखाले ‘ग्लोबल मनि विक २०२२’ को अवसरमा वित्तीय साक्षरता कार्यक्रम आयोजना गरेको हो । कार्यक्रममा ५० जना महिलाहरुको सहभागिता रहेको थियो ।

कार्यक्रममा बैंकको महत्व, बैंकिङ्ग सेवाहरु, डिजिटल बैंकिङ्ग सेवा र यसको महत्वहरु, क्यूआर कोड र डिजिटल बैंकिङ्ग सेवा प्रयोग गर्दा अपनाउनुपर्ने सावधानीहरु समावेश गरिएको थियो ।

शान्ति फाउन्डेसन गैर सरकारी संस्था जसले महिलाहरुलाई सचेतना र सहायता दिने विभिन्न कार्यहरु गर्दछ ।

सानिमा बैंकले देशका सातै प्रदेशमा सामाजिक उत्तरदायित्व अन्तर्गत वित्तीय साक्षरता कार्यक्रमहरु आयोजन गर्दै आइरहेको छ ।