+
+

बाँकेमा शान्तिपूर्ण मतदान

अनलाइनखबर अनलाइनखबर
२०७९ वैशाख ३० गते १२:३६

३० वैशाख, नेपालगञ्ज । बाँकेमा बिहानैदेखि शान्तिपूर्ण रुपमा मतदान भइरहेको छ । जिल्लाका सबै पालिका र केन्द्रहरूमा विनाअवरोध मतदान भइरहेको मुख्य निर्वाचन अधिकृत खडानन्द अधिकारीले जानकारी दिए ।

जिल्लाका आठ पालिकामा सबै मतदान केन्द्रमा मतदान भइरहेको छ । ‘हालसम्म कुनै पनि मतदानस्थलमा कुनै प्रकारको समस्या आएको जानकारीमा आएको छैन’ मुख्य अधिकृत अधिकारीले भने, ‘सबै स्थानमा शान्तिपूर्ण मतदान भइरहेको छ ।’

सुरक्षाका लागि बाँकेमा ४ हजार बढी सुरक्षाकर्मी परिचालन गरिएको छ । स्थानीय प्रशासनले आज सार्वजनिक यातायात सन्चालनमा रोक लगाएको छ । तथापि, मतदान केन्द्रमा सहज पहुँचका लागि अपाङ्गता, अशक्त र वृद्धवृद्धाका लागि केही सार्वजनिक यातायातलाई सवारी पासको व्यवस्था गरिएको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?