जुन १ देखि ‘महाभोज’ अस्ट्रेलियामा रिलिज हुने

News Summary

Generated by OK AI. Editorially reviewed.

फिल्म ‘महाभोज’ १८ जेठदेखि अस्ट्रेलियाको पर्थमा रिलिज हुने घोषणा भयो।
निर्माताले नयाँ प्रदर्शन मिति घोषणा गर्न बाँकी राखेका छन्।
फिल्मले सहकारी ठगीको कथालाई मनोरञ्जनात्मक र भावनात्मक रूपमा प्रस्तुत गर्दछ।

काठमाडौं । फिल्म ‘महाभोज’ १८ जेठ (१ जुन)देखि अस्ट्रेलियामा रिलिज हुने भएको छ । निर्माताले शुक्रबार विज्ञप्ति जारी गर्दै त्यहाँको पर्थबाट फिल्म प्रदर्शनमा आउने जनाएका हुन् ।

पर्थको ग्यालेरिया सपिङ सेन्टरको इभेन्ट सिनेमा हलबाट रिलिज सुरु हुनेछ । सुरुमा पर्थ र त्यसपछि अन्य राज्यका हलमा प्रदर्शनको तयारी रहेको जनाइएको छ ।

वितरण कम्पनी रोटेपिङ इन्टरटेनमेन्टले दिनेश राउत निर्देशित सोसल ड्रामालाई प्रदर्शन गर्न लागेको हो । नेपालमा भने यो फिल्मको प्रदर्शन स्थगित भएको छ । निर्माताले नयाँ प्रदर्शन मिति घोषणा गरिसकेका छैनन् ।

सहकारी संकटको कथावस्तुमा बनेको यो मल्टिस्टारर फिल्मको अस्ट्रेलिया प्रदर्शनमा नेपालबाट कलाकार सहभागी हुने अपेक्षा गरिएको छ ।

राउतको निर्देशनमा बनेको ’महाभोज’ले सहकारी ठगीको मारमा परेको परिवारको स्थिति, यसले समाजमा पारेको प्रभाव तथा प्रत्येक व्यक्ति कसरी प्रभावित छन् भन्ने कथा मनोरञ्जनात्मक तथा भावनात्मक तरिकाले पेश गर्छ ।

फिल्ममा दयाहाङ राई, आर्यन सिग्देल, खगेन्द्र लामिछाने, अञ्जना बराइली, मलिका महत, गौमाया गुरुङ, वसुन्धरा भुसाल र मोहन निरौलाको प्रमुख अभिनय छ । क्लक वर्क क्रियसन र पिक्चर फ्रेमको संयुक्त प्रस्तुति रहेको फिल्मका निर्माता हिमाल कडरिया हुन् ।