अनमोलसँग ‘बाटुलो जुन’मा प्रिन्सीले रोमान्स गर्ने

News Summary

Generated by OK AI. Editorially reviewed.

प्रिन्सी खतिवडाले अनमोल केसीको फिल्म ‘बाटुलो जुन’मा मुख्य भूमिका पाएका छन्।
उनी यस फिल्ममा अनमोलसँग अनस्क्रिन रोमान्स गर्नेछन्।
फिल्मको बारेमा थप विवरण सार्वजनिक भएको छैन।

काठमाडौं । चर्चित कन्टेन्ट क्रिएटर प्रिन्सी खतिवडाले फिल्ममा डेब्यु गर्ने पक्का भएको छ ।

उनी अनमोल केसीको आगामी फिल्म ‘बाटुलो जुन’को शीर्ष भूमिकामा अनुबन्धित भएकी छन् । यो फिल्ममा उनले अनमोलसँग अनस्क्रिन रोमान्स गर्नेछिन् ।

गतसाता नै प्रिन्सी यो फिल्ममा अनुबन्धित भैसकेको स्रोतले जनाएको छ । अहिले यी दुई कलाकार कार्यशालमा ब्यस्त छन् ।

दुई चरणमा छायांकन हुने फिल्मको पहिलो चरणको सुटिङ अर्को सातादेखि चित्लाङबाट सुरु हुनेछ । अंगुर खेतीको दृश्य खिच्दै छायांकन हुन लागेको हो । दोस्रो चरण मनसुनपछि सुरु हुनेछ ।

भुवन केसीले निर्देशन र जिया केसीले निर्माण गर्न लागेको यो फिल्म ग्रामीण परिवेशको कथावस्तुमा निर्माण हुन लागेको हो । पहिलोपटक अनमोल गाउँले भूमिकामा देखिँदैछन् भने उनको करिअरकै सबैभन्दा सस्तो बजेट यसमा हुने जनाइएको छ ।

प्रिन्सीले यसअघि पनि एक हिन्दी फिल्म ‘सपना’मा अभिनय गरेकी थिइन् तर त्यो फिल्म रिलिज भैसकेको छैन । प्रिन्सी र उनकी बहिनी प्रिज्मा खतिवडा टिकटक भिडियोमार्फत चर्चामा आएका हुन् ।

उनीहरूले कन्टेन्ट क्रिएसनसँगै म्युजिक भिडियोमा पनि अभिनय गरेका छन् ।