२०८२ साउन १७ गते १८:५९ 
News Summary
Generated by OK AI. Editorially reviewed.- नेपाल प्रिमियर लिगको दोस्रो सिजनका लागि चितवन राइनोजले कलाम अलीलाई मुख्य प्रशिक्षक नियुक्त गरेको छ।
- कलाम अलीले पञ्चकन्या काठमाडौं किङ्स इलाभेन र नेपाल \'ए\' टोलीको सहायक प्रशिक्षकको रूपमा काम गरिसकेका छन्।
- चितवन राइनोजले नयाँ लोगो सार्वजनिक गर्दै अघिल्लो सिजनका ६ खेलाडी रिटेन गरेको छ र मिनी अक्सन आगामी शनिबार हुँदैछ।
१७ साउन, काठमाडौं । नेपाल प्रिमियर लिग (एनपीएल) टिम चितवन राइनोजले एनपीएलको दोस्रो सिजनका लागि कलाम अलीलाई मुख्य प्रशिक्षकमा नियुक्त गरेको छ ।
राइनोजले शनिबार सामाजिक सञ्जालमार्फत अलीलाई प्रशिक्षकमा नियुक्तिको घोषणा गरेको हो । अली नेपाली राष्ट्रिय टोलीका पूर्वक्रिकेटर हुन् भने विभिन्न टोलीहरूका लागि यसअघि पनि प्रशिक्षक रहिसकेका छन् ।
अलीले एभरेष्ट प्रिमियर लिगमा पञ्चकन्या तेज र काठमाडौं किङ्स इलाभेनको प्रशिक्षकको रूपमा काम गरेका थिए भने नेपाल ‘ए’ टोलीको सहायक प्रशिक्षक पनि रहिसकेका छन् ।
त्यस्तै बागमती प्रदेशको टोली तथा महिला यू-२० टोलीको पनि प्रशिक्षक रहिसकेका छन् ।
चितवनले दोस्रो सिजनका लागि नयाँ लोगो पनि सार्वजनिक गरेको छ भने अघिल्लो सिजनका मार्की कुशल मल्लसहित ६ खेलाडी रिटेन पनि गरेको छ ।
एनपीएलको मिनी अक्सन आगामी शनिबार हुँदै छ ।
प्रतिक्रिया 4