२०८२ असोज २८ गते ८:५८ 
News Summary
Generated by OK AI. Editorially reviewed.- नेपालले एएफसी एसियन कप छनोटको तेस्रो चरणको चौथो खेलमा आज साँझ सवा ६ बजे भियतनामसँग थोङ नाट स्टेडियममा खेल्नेछ।
- नेपालले समूह एफमा ३ खेलमा पराजित हुँदै अंकविहीन छ र आजको खेलमा पराजित भए छनोटबाट बाहिरिनेछ।
- नेपाली टोलीका मुख्य प्रशिक्षक म्याट रसले भियतनामविरुद्धको खेल प्रतिस्पर्धात्मक हुने अपेक्षा गरेको बताएका छन्।
२८ असोज, काठमाडौं । एएफसी एसियन कप छनोटको तेस्रो चरणको चौथो खेलमा नेपालले आज भियतनामसँग होम म्याच खेल्दै छ ।
होम म्याच भएपनि खेल भियतनाममै हुने तय छ । नेपाली समयअनुसार साँझ सवा ६ बजेदेखि थोङ नाट स्टेडियममा खेल सुरु हुनेछ ।
यसअघि गत साता भियतनामसँगै भएको अवे खेलमा नेपाल ३-१ ले पराजित भएको थियो । समूह एफमा रहेको नेपाल हालसम्म ३ वटै खेलमा पराजित हुँदा अंकविहीन छ । आजको खेलमा पराजित भए नेपाल दुई खेलअगावै छनोटबाट बाहिरिनेछ ।
नेपाली टोलीका डिफेन्डर रोहित चन्दले आज आफ्नो १००औं खेल खेल्दै छन् । कप्तान किरणपछि १०० खेल पूरा गर्ने दोस्रो नेपाली खेलाडी हुन् ।
नेपाली टोलीका मुख्य प्रशिक्षक म्याट रसले भियतनामविरुद्धको आजको खेल प्रतिस्पर्धात्मक हुने अपेक्षा गरेको बताएका छन् । उनले पहिलो खेलअघि पनि ३ अंक, नभए १ अंककै लागि खेल्ने महत्वकांक्षा राखेका थिए ।
भियतनाम ३ खेलबाट ६ अंकसहित समूह एफमा दोस्रो स्थानमा छ । मलेसिया लगातार तेस्रो खेल जित्दै ९ अंक जोडेर शीर्षमा छ । लाओसको ३ खेलमा ३ अंक छ ।
प्रतिक्रिया 4