बालेनको युट्युब च्यानलबाट किन हटाइयो गीत ‘फसायो लमीले’ ?

Listen News

0:00

0:30

🔊

News Summary

Generated by OK AI. Editorially reviewed.

फिल्म 'झरीपछिको इन्द्रेणी' को पहिलो गीत 'फसायो लमी' काठमाडौं महानगर प्रमुख बालेन शाहको युट्युब च्यानलबाट रिलिज गरिएको थियो।
गीतलाई बालेनको च्यानलबाट एक महिनापछि हटाएर फिल्मको डिजिटल राइट ओएसआरको च्यानलबाट रिलिज गरिएको छ।
फिल्म ४ पुसदेखि प्रदर्शनमा आउँदैछ र यसमा गणेश उप्रेती, रमेश उप्रेती, दीपाश्री निरौला लगायत कलाकारको अभिनय छ।

काठमाडौं । फिल्म ‘झरीपछिको इन्द्रेणी’ अहिले चर्चामा छ । फिल्मको पहिलो गीत ‘फसायो लमी’ ले र्‍यापर तथा काठमाडौं महानगर प्रमुख बालेन शाहको युट्युब च्यानलबाट रिलिज गरिएको थियो ।

बालेनको च्यानलमा आउँदा गीतले राम्रो भ्यूूज पाउने निर्माताको आशा थियो तर, त्यो अनुसार भएन । निर्माताले बालेनको च्यानलमा गीत आउने भन्दै प्रचार पनि गरेका थिए ।

अहिले उक्त गीतलाई बालेनको च्यानलबाट हटाएर ओएसआरको च्यानलबाट रिलिज गरिएको छ ।

बालेनको च्यानलमा सार्वजनिक भएको १ महिनापछि गीतलाई ओएसआरमा ल्याइएको हो । यस पछाडि दुई कारण हुनसक्छन्, पहिलो- अपेक्षाअनुसार भ्यूज नआउनु र दोस्रो- फिल्मको डिजिटल राइट ओएसआरले लिनु ।

बालेनको युट्युब च्यानल प्रायः हिपहप जनराको लागि प्रसिद्ध छ । रमेश परियारद्वारा स्वरबद्ध यो गीत भने लोकभाकामा तयार पारिएको हो, जसलाई ‘झरीपछिको इन्द्रेणी’ मा समावेश गरिएको छ ।

‘फसायो लमीले’ मा बसन्त थापा र समीक्षा अधिकारीको स्वर छ । अर्जुन घिमिरे (पाँडे)को निर्देशनको बनेको फिल्म ४ पुसदेखि प्रदर्शन तयारीमा छ ।

यो फिल्ममा गणेश उप्रेती, रमेश उप्रेती, प्रकाश घिमिरे, दीपाश्री निरौला, प्रियना आचार्य, सरिता गिरी, देशभक्त खनाल, निर्मल शर्मा, विमोचन दवाडी, जेसिका पोखरेलको अभिनय छ ।