नथिङको स्मार्टफोन ‘फोर ए’ नेपाली बजारमा, सुरुका ग्राहकलाई निःशुल्क बड्स

News Summary

Generated by OK AI. Editorially reviewed.

नथिङ स्मार्टफोनलाई चौधरी समूह अन्तर्गतको सीजी मोबाइल्सले नेपाली बजारमा आयात तथा बिक्री वितरण गर्दै आएको छ।
नथिङले आफ्नो प्रिमियम स्मार्टफोन सिरिज ‘फोर ए’ तीन भेरियन्ट र चार रंग विकल्पमा नेपाली बजारमा ल्याएको छ।
फोर ए सिरिजको सुरुवाती मूल्य ५५ हजार ९ सय ९९ रुपैयाँ राखिएको छ र सुरुका ग्राहकलाई ८ हजार ९ सय ९९ रुपैयाँ मूल्यको सीएमएफ वड्स टु ए प्लस निःशुल्क दिइनेछ।

२ चैत, काठमाडौं । नथिङ स्मार्टफोनले नेपाली बजारमा बलियो पकड बनाउँदै लगेको छ । नथिङलाई नेपाली बजारमा चौधरी समूह अन्तर्गतको सीजी मोबाइल्सले आयात तथा बिक्री वितरण गर्दै आएको छ ।

नथिङले आफ्नो प्रिमियम स्मार्टफोन सिरिज ‘फोर ए’ हालै विश्व बजारमा ल्यायो । जुन अहिले नेपाली बजारमा आएको छ । तीन भेरियन्टमा फोन बजारमा उपलब्ध छ । ८ जिबी र्‍यामसँग १२८ जीबी स्टोरेज, ८ जीबी र्‍यामसँग २५६ जीबी स्टोरेज र १२ जीबी र्‍यामसँग २५६ जीबी स्टोरेजका भेरियन्ट बजारमा छन् ।

ह्वाइट, ब्ल्याक, ब्लु र पिङ्क गरी चार भिन्न कलर अप्सनमा नेपाली बजारमा फोन भित्रिएको छ । ‘नथिङका उत्पादन अत्यन्त प्रिमियम छन्’, सीजी मोबाइल्सका महाप्रबन्धक विनय जोशीले भने ।

५५ हजार ९ सय ९९ रुपैयाँ यसको सुरुवाती मूल्य तोकिएको छ । सुरुका ग्राहकलाई नथिङले ८ हजार ९ सय ९९ रुपैयाँ मूल्यको सीएमएफ वड्स टु ए प्लस निःशुल्क प्रदान गर्ने जनाएको छ ।

नथिङले यसपटक आफ्नो फोर ए सिरिजलाई पूर्णतया क्यामेरा सेन्ट्रिक बनाएको छ । ७० एक्स अल्ट्रा जुम सहितको थ्री क्यामेरा सेटअप भएको यो स्मार्टफोन सेग्मेन्टकै सबैभन्दा उत्कृष्ट क्यामेरा सेटअप रहेको कम्पनीको दाबी छ ।