+

साफ यू-२० च्याम्पियनसिप : नेपालले आज भुटानसँग खेल्दै

२०८२ चैत  ९ गते ८:२४ २०८२ चैत ९ गते ८:२४
साफ यू-२० च्याम्पियनसिप : नेपालले आज भुटानसँग खेल्दै

News Summary

Generated by OK AI. Editorially reviewed.
  • नेपालले माल्दिभ्समा सुरु हुने साफ यू-२० च्याम्पियनसिपमा पहिलो खेलमा भुटानसँग प्रतिस्पर्धा गर्नेछ।
  • नेपाल र भुटानबीचको खेल मालेस्थित नेसनल स्टेडियममा नेपाली समय अनुसार दिउँसो साढे ४ बजे सुरु हुनेछ।
  • नेपालको टोली धर्मेन्द्र कुँवरको कप्तानीमा करिब एक महिनाको तयारीपछि माल्दिभ्स पुगेको हो र उपाधि जित्ने लक्ष्य राखेको छ।

९ चैत, काठमाडौं । आजदेखि माल्दिभ्समा सुरु हुने साफ यू-२० च्याम्पियनसिपमा नेपालले आफ्नो पहिलो खेलमा भुटानसँग खेल्दैछ ।

समूह ‘ए’ मा रहेको नेपाल र भुटानबीचको खेल मालेस्थित नेसनल स्टेडियममा नेपाली समय अनुसार दिउँसो साढे ४ बजे सुरु हुनेछ ।

यस्तै समूह ‘ए’ मै रहेको आयोजक माल्दिभ्सले आजै राती सवा ९ बजे श्रीलंकासँग प्रतिस्पर्धा गर्नेछन ।

धर्मेन्द्र कुँवरको कप्तानीमा रहेको नेपाली टोली करिब एक महिनाको तयारीपछि माल्दिभ्स पुगेको हो । नेपाली टिममा विगतका उमेर समूहको प्रतियोगिता खेलेको र राष्ट्रिय टिमबाट समेत खेलेका सुवास बमसहित राष्ट्रिय लिग खेलेका खेलाडीहरु भएकोले यस पटक उपाधि जित्ने लक्ष्य राखेको छ ।

पछिल्लो पटक भुटानले पनि उमेर समूहमा निकै सुधार गरिरहेकोले नेपालका लागि पहिलो खेल महत्वपूर्ण हुनेछ ।

दक्षिण एसियका ७ टोलीलाई दुई समूहमा विभाजन गरेर यस प्रतियोगिता खेलाइँदैछ र दुवै समूहको शीर्ष दुई टोली सेमिफाइनल पुग्नेछन् ।

साफ यू-२० च्याम्पियनसिप
लेखक
अनलाइनखबर
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय