तीन जिल्लामा आगलागी, सात लाख ४० हजार बराबरको क्षति

प्रतीकात्मक तस्वीर

News Summary

Generated by OK AI. Editorially reviewed.

महोत्तरी, काभ्रे र सप्तरीमा भएका छुट्टाछुट्टै आगलागीका घटनामा सात लाख ४० हजार रुपैयाँ बराबरको धनमाल नष्ट भएको प्रहरीले जनाएको छ।
महोत्तरीको सोनमा गाउँपालिकामा दिनेश यादवको गोठमा भएको आगलागीबाट तीन लाख रुपैयाँ बराबरको क्षति भएको छ।
काभ्रे र सप्तरीमा विद्युत् सर्ट भई भएका आगलागीका घटनामा क्रमशः दुई लाख ४० हजार र दुई लाख रुपैयाँ बराबरको क्षति भएको छ।

६ साउन, काठमाडौं । महोत्तरी, काभ्रे र सप्तरीमा भएका छुट्टाछुट्टै आगलागीका घटनामा सात लाख ४० हजार रुपैयाँ बराबरको धनमाल नष्ट भएको छ ।

महोत्तरीको सोनमा गाउँपालिका–३ दक्षिणबारी टोलस्थित दिनेश यादवको गोठमा आज बिहान आगलागी हुँदा गोठ पूर्णरूपमा जलेर करिब तीन लाख रुपैयाँ बराबरको क्षति भएको प्रहरीले जनाएको छ ।

काभ्रेको बनेपा नगरपालिका–१ दुलाल गाउँस्थित लक्ष्मण दुलालको गोठमा विद्युत् सर्ट भई मंगलबार राति आगलागी हुँदा गोठ पूर्णरूपमा जल्दा करिब दुई लाख ४० हजार रुपैयाँ बराबरको नाक्सान भएको छ ।

प्रहरी प्रधानकार्यालयका अनुसार सप्तरीको कञ्चनरूप नगरपालिका–६ क्वाटर मलेठस्थित नवराज बस्नेतको गोठमा मंगलबार राति आगलागी हुँदा गोठ पूर्णरूपमा जलेर करिब दुई लाख रुपैयाँ बराबरको धनमाल नष्ट भएको छ ।