२०८३ साउन ३१ गते ११:२१ 
News Summary
Generated by OK AI. Editorially reviewed.- इंग्ल्यान्डका डिफेन्डर जेड स्पेन्स टोटनहम छाडेर इटालियन क्लब इन्टर मिलानमा अनुबन्ध भएका छन् ।
- स्पेन्सले इन्टरसँग पाँच वर्षको सम्झौता गरेका छन् भने क्लबले उनलाई भित्र्याउन करिब तीन करोड युरो खर्च गरेको छ ।
- गत सिजन टोटनहमका लागि ४४ खेल खेलेका स्पेन्सले क्लबलाई युरोपा लिगको उपाधि जिताउन महत्वपूर्ण भूमिका निर्वाह गरेका थिए ।
३१ साउन, काठमाडौं । इंग्ल्यान्डका डिफेन्डर जेड स्पेन्स टोटनहमबाट इटालियन क्लब इन्टर मिलानमा अनुबन्ध भएका छन् ।
२६ वर्षीय स्पेन्सले इन्टरसँग पाँच वर्षको सम्झौता गरेका छन् । इन्टरले उनलाई भित्र्याउन करिब ३ करोड युरो खर्च गरेको बताइएको छ ।
यससँगै स्पेन्सले दोस्रोपटक इटालियन फुटबलमा प्रवेश गरेका छन् । यसअघि उनले २०२४ मा ६ महिनाका लागि जेनोआबाट लोनमा खेलेका थिए ।
स्पेन्सले गत सिजन टोटनहमका लागि सबै प्रतियोगितामा ४४ खेल खेलेका थिए । उनले क्लबलाई २०२४–२५ सिजनमा युरोपा लिगको उपाधि जिताउन पनि योगदान गरेका थिए ।
गत महिना सम्पन्न विश्वकपमा स्पेन्सले इंग्ल्यान्डका सबै आठ खेल खेलेका थिए । इंग्ल्यान्ड प्रतियोगितामा तेस्रो भएको थियो ।
टोटनहममा स्पेन्सले सबै प्रतियोगितामा ८५ खेल खेले । उनले २०२२ मा मिडल्सब्रोबाट प्रारम्भिक १ करोड २५ लाख पाउन्डमा टोटनहममा स्थानान्तरण भएका थिए ।
इन्टरमा अनुबन्ध हुनुअघि स्पेन्सले सामाजिक सञ्जालमार्फत टोटनहमका समर्थकलाई बिदाइ गरेका थिए । उनले टोटनहम आफ्नो जीवनको विशेष अध्याय रहेको उल्लेख गर्दै अब नयाँ अध्याय सुरु गर्न लागेको बताएका थिए ।
स्पेन्स इन्टरमा अनुबन्ध हुने यो सिजनका दोस्रो इंग्लिस खेलाडी बनेका छन् । यसअघि म्यानचेस्टर सिटीसँगको सम्झौता सकिएपछि जोन स्टोन्स इन्टर पुगेका थिए ।
-बीबीसीबाट
प्रतिक्रिया 4