च्याम्पियन्स लिगमा लिभरपुलको जित

२० कात्तिक, काठमाडौं । डिफेन्डिङ च्याम्पियन लिभरपुलले च्याम्पियन्स लिग फुटबलमा जित हात पारेको छ ।

मंगलबार राति भएको खेलमा इंग्लिस क्लब लिभरपुलले केआरसी जिंकलाई २–१ गोलअन्तरले पराजित गरेको हो । लिभरपुलको जितमा जर्जिन्हो विजनाल्डम र एलेक्स अक्सलेड चेम्बरलिनले गोल गरे । यता, जिंकका लागि एमवना समटाले गोल गरे ।

खेलको १४ औं मिनेटमा नै जर्जिन्होले गोल गर्दै लिभरपुललाई अग्रता दिलाएका थिए । तर खेलको ४० औं मिनेटमा समटाले गोल गरेपछि पहिलो हाफसम्म लिभरपुल र जिंकले १–१ गोलको बराबरी खेलेका थिए ।

खेलको ५३ औं मिनेटमा एलेक्सले गोल गर्दै लिभरपुललाई २–१ गोलको अग्रता दिलाए । बाँकी समयमा लिभरपुलले जिंकलाई रोक्दै २–१ गोलको जित हात पारेको हो ।