२०७६ मंसिर २८ गते २०:४४ 
काठमाडौं । मोहम्मद सालाहले दुई गोलसँगै लिभरपुले वाटफोर्डलाई हराएको छ र, प्रिमियर लिगमा अपराजित यात्रा कायम राखेको छ ।
शनिबार भएको खेलमा लिभरपुलले घरेलु मैदान एन्फिल्डमा वाटफोर्डलाई २-० ले पराजित गरेको हो । जितसँगै लिभरपुलको यो जित अपराजित यात्रा १७ खेलमा पुगेको छ भने लिगमा दोस्रो स्थानको लेस्टरसँग ११ अंकको दूरी बनाएको छ ।
लिभरपुलका लागि सालाहले ३८औं मिनेटमा पहिलो गोल गर्दै अग्रता दिलाएका थिए । उनले नै ९०औं मिनेटमा दोस्रो गोल गर्दै लिभरपुललाई जित दिलाए ।
जितपछि लिभरपुलको १७ खेलबाट ४९ अंक भएको छ । एक खेल कम खेलेको लेस्टरको ३८ अंक छ ।
प्रतिक्रिया 4