२०७८ साउन १६ गते १९:२७ 
१६ साउन, काठमाडौं । जमैकाकी एलाइन थोम्पसन हेराले ३३ वर्ष पुरानो कीर्तिमान तोड्दै टोकियो ओलम्पिक २०२० मा महिला १०० मिटर दौडमा स्वर्ण जितेकी छिन् ।
यस इभेन्टमा जमैकाकी खेलाडीले पदकमा क्लिन स्वीप गर्दा सेली अन फ्रेसर प्रायसले रजत र सेरिका ज्याक्सनले कास्य जितिन् ।
२०१६ मा रियोमा समेत १०० मिटरमा स्वर्ण जितेकी थोम्पसनले लगातार दोस्रो पटक स्वर्ण जित्ने क्रममा १०.६२ सेकेण्डको नयाँ ओलम्पिक कीर्तिमान बनाइन् । यसअघि सन् १९८८ मा अमेरिकन ग्रिफिथ जोएनरले ओलम्पिकमा १०.६२ सेकेण्डको कीर्तिमान बनाएकी थिइन् । १०० मिटरमा विश्वक कीर्तिमान भने उनै जोएनरको नाममा छ । उनले सन् १९८८ मै १०.४९ सेकेण्डको कीर्तिमान बनाएकी थिइन् ।
यस्तै सन् २००८ र २०१२ को स्वर्ण विजेता सेली अन फ्रेसरले १०.७४ सेकेण्डमा दूरी पूरा गर्दै रजत जितिन् भने सेरिका ज्याक्सनले १०.७६ सेकेण्ड समयसहित कास्य जितिन् ।
प्रतिक्रिया 4