पेट्रोलियम खोज्दै मन्त्री गाउँगाउँमा

चिनियाँ विशेषज्ञसहितको टोलीद्वारा सम्भाव्यता अध्ययन सुरु

अनलाइनखबर

२०७३ वैशाख २६ गते ६:२६

२६ वैशाख, काठमाडौं । पेट्रोलियम पदार्थको अभाव चुलिँदै गएका बेला सरकारले पेट्रोलियम पदार्थको खानी उत्खनन कार्य अघि बढाउने भएको छ ।

som prasad pande, Photo, Nagarik Daily — फाइल फोटो

यसका लागि उद्योगमन्त्री सोमप्रसाद पाण्डे नेतृत्वको चिनियाँ टोली दैलेख पुगेको आजको राजधानी दैनिकमा समाचार छ ।
टोलीले दैलेखका गाउँगाउँ पुगेर सम्भाव्यता अध्ययन गर्नै छ ।

चीन र नेपालबीच भएको सम्झौताअनुसार दैलेखमा रहेको पेट्रलियम पदार्थको खानीमा अन्वेषण, अनुसन्धान र उत्खननको सम्भाव्यता अध्ययन थालिएको हो ।

मन्त्री पाण्डेसहित दैलेखका सांसद, खानी तथा भूगर्भ विभागका पेट्रोलियम अन्वेषक चीनसकारकार खानी तथा पेट्रोल र ग्याँस अनुसन्धान विज्ञसहितको सातजनाको टोलीले दैलेखको सिरिस्थानबाट पेट्रोलियम पदार्थको अन्नवेषण सम्भाव्यता अध्ययन कार्यको थालनी गरेका हुन् ।