२६ वैशाख, सल्यान । सल्यानमा चुनावी प्रचारमा हिडेका नेपाली कांग्रेसका एक जना उम्मेदवारको लडेर मृत्यु भएको छ ।
कुमाखमालिका गाउँपालिका वडा नम्बर १ मा खुलातर्फ कांग्रेसबाट सदस्यको उम्मेदवार बनेका दलबहादुर रानाको मृत्यु भएको निर्वाचन आयोगले जनाएको छ ।
चुनाव प्रचारका क्रममा राती अबेरसम्म मतदातासंग भेटघाट गरिरहेका उनी छिमेकीको घरबाट खसेर भैंसी बाँध्ने किलोमा परेका थिए ।
गम्भीर घाइते भएका रानाको उपचारको क्रममा भारतको लखनउमा सोमबार मृत्यु भएको हो ।
