२३ फागुन, काठमाडौं । अर्थमन्त्रालयले सामाजिक सुरक्षा कार्यक्रमहरुलाई एकीकृत रुपमा अगाडि बढाउने भएको छ । सामाजिक सुरक्षाकै लागि सरकारले चालु आवमा ४० अर्ब रुपैयाँ छुट्याएको थियो ।
सामाजिक सुरक्षामै सरकारले सबै राजस्व खर्च गर्न नसक्ने भएकोले यी कार्यक्रमलाई एकीकृत गर्नुपर्ने अर्थविदहरुले बताउँदै आएका थिए । दोहोरोपना हटाउन यस्तो गर्न लागिएको हो ।
हाल सरकारले स्वास्थ्य बीमा, वृद्ध भत्ता, पेन्सन, ७५ वर्ष माथिकालाई निःशुल्क औषधी लगायतका विभिन्न सामाजिक सुरक्षाका कार्यक्रम सञ्चालन गर्दै आएको छ ।
यसअघि देउवा सरकारले जाँदा जाँदा बिभिन्न शीर्षकका सामाजिक सुरक्षा कार्यक्रम घोषणा गरेका थिए । यसले राज्य कोषमा २५ अर्बभन्दा बढी भार पर्ने देखिएको थियो ।
देउवा सरकारले गरेको यस्तो निर्णय उल्टाउने संकेत यस सरकारले गरेको भएपनि हालसम्म यसमा कुनै नयाँ निर्णय भएको छैन ।
देउवा सरकारले वृद्ध भत्ता पाउने उमेर ७० बाट ६५ वर्षमा झारेको थियो ।
यी पनि पढ्नुस्
२ खर्ब २५ अर्बमा स्थानीय तहले गरे ६९ अर्ब खर्च
सरकारले एक खर्ब ७९ अर्ब खर्च गर्न नसक्ने, बजेटको आकार घट्यो
